හම්බන්තොට වරාය විකුනුවාද නැද්ද ? සම්පූර්ණ විස්තරය මෙතනින්

හම්බන්තොට වරාය විකිණිම සම්බන්ධයෙන් වන ගිවිසුම පිළිබඳ මේ වන විට දැඩි කතාබහක් ඇති ව තිබේ.

ගිවිසුම අත්සන් කළා ද? – නැතහොත් එය කල් දැමුවා ද?

ප්‍රශ්නය:-
හම්බන්තොට වරාය විකිණිමට සම්බන්ධ ගිවිසුම ජනවාරි 08 දක්වා කලා තැබුවා කියන්නේ ?

අකිල විරාජ් කාරියවසම් මහතා:-

නෑ අපි මේ මූලික ගිවිසුම අපි අත්සන් කරලා ඉවරයි ඇත්තටම දැන් 07වැනිදා කරන්නේ මේක ලෝන්ච් කරන එක

මාධ්‍යවේදීන් :-
අවසන්වරට තිබුණු මාධ්‍ය හමුවේ දී ඔබතුමා කිව්වේ, 07වැනිදා මේ ගිවිසුම අත්සන් කරන්න බලාපොරොත්තු වෙනවා කියලා. එකේ කල් යාමක් තියෙනවාද?

මලික් සමරවික්‍රම මහතා :-

තාම අපි සාකච්ඡා ක‍රගෙන යනවා.. මම හිතන්නේ තව දවස් 10ක් 14ක් යන කොට ඒක අවසන් කරන්න පුලුවන් වෙයි කියලා..

අමාත්‍යවරුන් කෙසේ අදහස් පළ කළ ද රාමුගත ගිවිසුමක් දැනටමත් අමාත්‍යාංශ ලේකම්වරුන්ගේ කමිටුව සහ චයිනා මර්චන්ට්ස් පෝර්ට් හෝල්ඩින් සමාගම අතර අත්සන් කර තිබේ.

මෙම රාමුගත ගිවිසුම කැබිනට් අනුමැතිය මත අත්සන් කර ඇති බව එහි සඳහන් ය.

80%ක් චීන සමාගමට ත් 20%ක් වරාය අධිකාරියටත් හිමිවන පරිදි අවසන් එකඟතාව දක්වා ගමන් කළ යුතු අකාරය මෙම රාමුගත ගිවිසුමේ සඳහන් වේ.

වරාය අධිකාරිය ඇතුළු සියලුම ආයතන මෙම රාමුගත ගිවිසුමට අනුව ක්‍රියාකරනු ඇති බවට මෙහි සහතික වී ඇති අතර කෙසේ වෙතත් රජය මේ වන විට පැවසුවේ, අවසාන ගිවිසුමක් අත්සන් කර නොමැති අතර එය කල්යනු ඇති බව ය.

ප්‍රශ්ණය :-
දැන් මේ ගිවිසුම් අත්සන් කිරීමේ ක්‍රියාවලියේ දී කල් යන්නේ ජනාධිපතිතුමාගේ අනුමැතියක් නැති ව කරන්න යන නිසා ද ?

ලක්ෂ්මන් යාපා අබේවර්ධන මහතා :-

ජනාධිපතිතුමාගේ නෙමෙයි පාර්ලිමේන්තු අනුමැතියක් තියෙන්න ඕනේ, නීතිපති දෙපාර්තමේන්තුවට යවන්න ඕනෑ කැබිනට් මණ්ඩලය අනුමත කරන්න.ෆ්‍රේම් වර්ක් හදන්න පුළුවන් අවබෝධතා පුළුවන් හැබැයි ගිවිසුම එන කොට නීත්‍යානුකූල වෙන්න ඕනෑ
‍

ප්‍රශ්ණය :-

දැන් මේක යහපාලන රජයක්නේ ඒ පාර්ශවය ඔබතුමාලගේ පාර්ශවය සාක්චඡා පවත්වලා නැද් ද ?

ලක්ෂ්මන් යාපා අබේවර්ධන මහතා :-

ප්‍රශ්නේ තියෙන්නේ යම් යම් කරුණු ආර්ථික කමිටුවෙන් සාකච්ඡා කරන්න ඇති නමුත් ජනාධිපතිතුමා මුලින් ම පැහැදිලිව කිව්වා මේක පාර්ලිමේන්තුවට පැමිණිය යුතුයි කියලා.

වසන්ත සමරසිංහ මහතා :-

මොකක් ද මේ විකාරේ? මොකක්ද මේ වංචාව බොරුව? අපි ආණ්ඩුවට කියන්නේ ජනතා විරෝධය යට ගහන්නේ නැහැ කියලා කල්දානා කියලා අත්සන් කරන්න හැදුවොත් ඒ කට එරෙහි ව මේ රටේ ජනතාව පෙළගස්වන්නත් අපි කටයුතු කරනවා.ඒ නිසා සියවසේ බොරුකරුවන් පත්වෙන්න කරන තරගය වෙනුවට ජනතාට වෙච්ච පොරොන්දු වෙන්න ඕනේ

චන්ද්‍රසිරි මහගමගේ මහතා :-

හම්බන්තොට වරාය ශ්‍රී ලංකා වරාය අධිකාරියේ වරායක් බවට පරිවර්ථනය කරන්න.ඒ වගේම නැගෙනහිර ජැටිය ඉන්දියානු සමාගමකට ලබාදෙන්න එපා. ඒ වරායත් ඒ නැගෙනහිර ජැටියත් ශ්‍රී ලංකා වරාය අධිකාරිය මගින් ක්‍රියාත්මක කරන වරායක් බවට පරිවර්ථනය කරලා මේ සමස්ත ක්‍රියාවලිය සඳහා අපේ සහයෝගය ලබාදෙනවා. ඒ සහයෝගය ලබා දෙන්නේ රටේ ජනතාව සුඛිත මුදිත කිරීමේ දැනුවත් කිරීමේ අරමුණ ඇතිව. ඒ නිසා මේ ගිවිසුම බැරි වේලාවත් අත්සන් කළොත් අනිවාර්යෙන්ම මේ ආන්ඩුව රනිල් වික්‍රමසිංහ ගෙදර යැවීමේ පළවෙනි ‍වෙඩිමුරය වරාය අධිකාරියෙන් පත්තුකරනවා