හම්බන්තොට - මිරිජ්ජවිල ප්‍රදේශයේ පසුගියදා ඇති වූ නොසන්සුන්කාරී තත්ත්වය අතරතුර විරෝධතාකරුවන් විසුරුවාහැරීමේදී පොලීසිය කටයුතු කළ ආකාරය පක්ෂග්‍රාහී බව ශ්‍රී ලංකා පොදුජන පෙරමුණ පවසයි.
පොලීසි විසින් සිදු කළ එම ක්‍රියාකලාපයට එරෙහිව ඉදිරියේදී අධිකරණ ක්‍රියාමාර්ගවලට යොමුවන බව එම පක්ෂයේ සභාපති මහාචාර්ය ජි.එල් පීරිස් මහතා පැවසුවේය.
ඔහු මේ බව පැවසුවේ කෑගල්ල ප්‍රදේශයේදී මාධ්‍ය වෙත අදහස් දක්වමිනි.
මේ අතර හම්බන්තොට මිරිජ්ජවිල ප්‍රදේශයේදී පසුගියදා ඇති වූ නොසන්සුන්කාරී තත්ත්වය පිළිබද පාර්ලිමේන්තුවේද අවධානය යොමුවී තිබේ.
එහිදී මිරිජ්ජවිල ප්‍රදේශයේ ඇති වූ සිදුවීම පිළිබඳ දිනේෂ් ගුණවර්ධන මන්ත්‍රීවරයා යොමු කළ පැනයක් හේතුවෙන් පාර්ලිමේන්තුව තුළ උණුසුම් තත්ත්වයක් හටගත් බව අද දෙරණ පාර්ලිමේන්තු වාර්තාකරු සඳහන් කළේය.
No comments:
Post a Comment