යෝජිත නව ආණ්ඩුක්‍රම ව්‍යවස්ථාවට එරෙහිව හෙද නිලධාරීන් දස දහසක් සමඟ වීධි බසින බව රාජ්‍ය සේවා එක්සත් හෙද සංගමයේ සභාපති , පූජ්‍ය මුරුත්තෙට්ටුවේ ආනන්ද හිමි පවසයි .උන්වහන්සේ සදහන් කලේ , නව ව්‍යවස්ථාව හරහා මේ රට කැඩීමට , බෙදීමට, රජයට කිසි ලෙසකින් ඉඩ ලබා නොදෙන බවයි .
රට විකුණාගෙන කෑම එක්සත් ජාතික පක්ෂයේ ප්‍රතිපත්තිය බවත් ,ආණ්ඩුව කිරීමට නුසුදුසු පිරිසක් පාර්ලිමේන්තුවට රිංගා රට විකුණා දැමීමට උත්සහ කලද එය ලෙහෙසි නොවන බව ආනන්ද හිමියෝ වැඩිදුරටත් පැවසුවා.
රට බෙදන ෆෙඩරල් ව්‍යවස්ථාව ගෙන ඒමට ආණ්ඩුව කටයුතු කළහොත් එදිනට රෝගීන්ට අපහසුතාවක් නොවන ලෙස හෙද නිලධාරීන් 10000ක් පාර්ලිමේන්තුව ඉදිරියට ගෙන ඒමට කටයුතු කරන බවද ආනන්ද හිමියෝ රජයට අනතුරු අගවති.
ආණ්ඩුවට දැන් විකුණන්නට ඉතිරිව ඇත්තේ හිර ගෙදර , පොලිසිය සහ උසාවිය පමණක් බවත් , සිරිසේන -වික්‍රමසිංහ ආණ්ඩුව කරන මේ විගඩම් වහාම නතර කල යුතු බවත් රට ඉදිරිය කරා ගෙන යන වැඩපිළිවෙලක් සකස් කල යුතු බවද උන්වහන්සේ සදහන් කලා.
දැන්වත් මේ රජය වහාම පලි ගැනීම් නතර කල යුතු බවත් , මේ ආණ්ඩුව වසර දෙකක් පූරාවටම සිදු කර ඇත්තේ කහ ඉර සුදු කිරීම , අසිමිතව පලි ගැනීම පමණක් බව උන්වහන්සේ අවධාරණය කලා.
විධායක බලතල ඇති ජනාධිපති මෛත්‍රිපාල සිරිසේන වහාම තමන්ගේ බලතල යොදා , රට ආරක්ෂා කල යුතු බවත් , ඒවාට පිටු පාමින් රට බෙදන ව්‍යවස්ථාවක් ගෙන ඒමට රජය දඩබ්බර ලෙස කටයුතු කලහොත් මුළු පාර්ලිමේන්තුවම වටලන බවද උන්වහන්සේ සදහන් කලා.
මේ අතර , නව ව්‍යවස්ථාවෙන් රටට වන හානිය පිළිබඳ රට දැනුවත් කර ඊට එරෙහිව ජනමතයක්‌ ගොඩනැඟීම සඳහා බොදු බල සේනා සංවිධානය ලබන හත් වැනිදා “අත තියන්න එපා රටට” තේමාව යටතේ දැවැන්ත සමුළුවක්‌ නුගේගොඩ ආනන්ද සමරකෝන් එළිමහන් රංග පීඨයේ පැවැත්වීමට කටයුතු සූදානම් කර තිබෙනවා .
No comments:
Post a Comment