වෙළෙඳපොළ තුළ සීනි මිල ගණන් සැලකිය යුතු ලෙස ඉහළ ගොස් තිබේ.
සීනි ආනයනකරුවන්ගේ සංගමයේ සභාපති හේමක ප්‍රනාන්දු මහතා සඳහන් කළේ, අද වන විට රජය පැනවූ රුපියල් 95ක පාලන මිල ඉක්මවා රුපියල් 105ක් දක්වා සීනි කිලෝග්‍රෑමයක තොග මිල ඉහළ ගොස් ඇති බව ය.
2017 අයවැය යෝජනාවලට අනුව ජනවාරි පළමු වන දා සිට සීනි කිලෝග්‍රෑමයක් සඳහා 2% ක සෙස් බද්දක් පනවා තිබේ.
මේ අනුව සීනි කිලෝග්‍රෑමයක් සඳහා ගෙවිය යුතු සම්පූර්ණ බදු මුදල රුපියල් 15.50කි.
මෙම තත්ත්වය යටතේ ඉදිරියේදී රජයේ පාලන මිලට සීනි අලෙවි කළ නොහැකි බව සීනි ආනයනකරුවන්ගේ සංගමයේ සභාපති හේමක ප්‍රනාන්දු සඳහන් කළේ ය.
No comments:
Post a Comment